Aqtaý qalasynda 1 mamyrda ótken sherýge 10 myńnan astam adam qatysty (FOTO)
AQTAÝ. QazAqparat - Aqtaý qalasynda túrli salalardaǵy barlyq kásiporyndar, shamamen 10 banktiń ujymy, 10 myńnan astam adam 1 mamyr - Qazaqstan halqynyń birligi kúnine arnalǵan dástúrli sherýge shyqty. Oǵan barlyǵy 30-dan astam kolonna qatysty.
«Búgingi tańda álemde «qazaqstandyq sáıkestik» fenomeni - etnosaralyq jáne konfessııaaralyq kelisim modeli keńinen tanymal. Bul uǵym 17 dinı konfessııaǵa jatatyn 140 etnos ókilderin bir shańyraq astyna biriktirgen Qazaqstanda paıda boldy. Sizderdi merekemen quttyqtap, densaýlyq, baqyt, jańa jetistikter, Otanymyz - Qazaqstannyń órkendeýin tileımin!» - dep quttyqtady Mańǵystaý oblysynyń ákimi mindetin atqarýshy Alık Aıdarbaev.
Sherýge «Kaspıı mańy mashına jasaý kesheni» JShS kolonnasy qatysty. Bul ujymda 17 túrli ulttyń 320 ókili eńbektenedi.
«320 adamnyń 144-inde joǵary bilimi bar. Bizde eńbek áýletteri, 5 eńbek ardageri, 20 óndiris ozaty bar», - dedi «Kaspıı mańy mashına jasaý kesheni» JShS bas dırektory Vıktor Chekashov.
Óńirdegi ózge kásiporyndardyń ujymdary da atalǵan sharaǵa belsendi qatysty.
