Aqtaý qalasynyń prokýrory mas kúıinde tártip buzǵany úshin ustaldy

AQTAÝ. KAZINFORM — Aqtaý qalasynyń prokýrory, aǵa ádilet keńesshisi Erbolat Ábdirov demalys kezinde Astanadan Almatyǵa ushyp kelgen kezinde Qazaqstan Respýblıkasy ІІM Kólik polıtsııasy departamentiniń jelilik polıtsııa qyzmetkerleri tarapynan áýejaıda «mas kúıinde tártip buzǵany» úshin ustaldy.

— Oǵan QR Ákimshilik quqyq buzýshylyq týraly kodeksiniń 440-babynyń 1-bóligi (Alkogoldik ishimdikterdi ishý nemese qoǵamdyq oryndarda mas kúıinde bolý) jáne 434-babynyń 1-bóligi (Qoǵamdyq oryndarda bylapyt sóıleý, jeke tulǵalarǵa til tıgizip tıisý jáne qoǵamǵa qurmetsizdik bildiretin, qoǵamdyq tártip pen azamattardyń tynyshtyǵyn buzatyn basqa da áreketter) boıynsha ákimshilik hattama toltyryldy, — delingen habarlamada.

Bul oqıǵany Mańǵystaý oblysynyń prokýratýrasy rastady. 

— Mańǵystaý oblysynyń prokýratýrasy osy oqıǵaǵa baılanysty qyzmettik tergeý júrgizilip jatqanyn habarlaıdy. Tergeý nátıjesi boıynsha atalǵan qyzmetkerge qatysty tıisti sharalar qabyldanatyn bolady, — delingen habarlamada.

Buǵan deıin, Aqtaýda «QazAzotqa» atmosferany lastaǵany úshin 8,5 mln teńgege aıyppul salynǵan bolatyn.