Aqtaý qalasynyń bas jospary jańartyldy
ASTANA. KAZINFORM — Jańa redaktsııada áleýmettik ınfraqurylymdy keshendi damytý, ekologııalyq turaqtylyqty arttyrý, Kaspıı jaǵalaýynyń týrıstik-rekreatsııalyq áleýetin kúsheıtýge basymdyq berildi, dep habarlaıdy Aqtaý qalasy ákimdiginiń baspasóz qyzmeti.
Memleket basshysynyń tapsyrmasyna sáıkes Aqtaý qalasynyń turǵyn úı qurylysy, kólik jáne ınjenerlik ınfraqurylym, jasyl aımaqtar, óndiristik jáne rekreatsııalyq nysandardy damytýǵa arnalǵan bas jospary jańartyldy.
Jospardy iske asyrýdyń eseptik kezeńi 2040 jylǵa deıin jalǵasady.
Sonymen qatar qujat negizinde ınjenerlik jelilerdi jańǵyrtý, kólik logıstıkasyn jetildirý jáne ınvestıtsııalyq jobalardy júzege asyrýǵa jaǵdaı jasaý qarastyrylǵan.
— Jańartylǵan bas jospar Aqtaýdyń aýmaqtyq keńeıýinen qazirgi zamanǵa saı, qolaıly ári básekege qabiletti qala ortasyn qalyptastyrýǵa jol ashpaq. Bul ózgeristerdiń arqasynda Aqtaý Kaspıı aımaǵyndaǵy strategııalyq ortalyq retindegi rólin odan ári nyǵaıtpaq, — dep atap ótti qalalyq ákimdik.
Budan buryn Atyraý men Aqtaýda Qazbilim mektepteri nege jabylǵanyn jazǵan edik.
