Aqtaý qalasynyń aýmaǵy Kaspıı esebinen keńeıtildi
ASTANA. KAZINFORM — 2026 jylǵy 23 sáýirdegi Qazaqstan Respýblıkasy Úkimetiniń qaýlysyna sáıkes, Mańǵystaý oblysy Aqtaý qalasynyń shekaralaryn ózgertý týraly sheshim qabyldandy.
— Mańǵystaý oblystyq máslıhatynyń 2026 jylǵy 10 naýryzdaǵy birlesken sheshimi men Mańǵystaý oblysy ákimdiginiń 2026 jylǵy 16 aqpandaǵy «Mańǵystaý oblysy Aqtaý qalasynyń shekaralaryn ózgertý jáne belgileý týraly» qaýlysyna sáıkes, Mańǵystaý oblysynyń jalpy aýmaǵy 94 642,2062 gektar jerin Aqtaý qalasynyń shekarasyna engizý týraly sheshimmen kelisilsin, — delingen Qujatta.
Osy ózgeriske deıin Aqtaý qalasynyń aýmaǵy 29 849 gektar bolatyn.
Atap aıtqanda, qala shekarasyna sý qory jerleri — 94 642,2062 gektar qosyldy.
Qaýly 2026 jylǵy 8 mamyrdan bastap kúshine enedi.
Eske sala keteıik, buǵan deıin 2030 jylǵa arnalǵan Ekonomıkalyq yntymaqtastyq uıymynyń týrıstik astanasy retinde Aqtaý qalasy usynylǵan bolatyn.
