Aqtaý qalasyndaǵy saýda-oıyn-saýyq ortalyǵy aýmaǵynan órt shyqty
ASTANA. KAZINFORM — TJM qyzmetkerleri Aqtaý qalasy 16-shaǵyn aýdanynda saýda oıyn-saýyq ortalyǵynyń aýmaǵynda ornalasqan jeke turǵan qazandyq ǵımaratynyń shatyryndaǵy órtti sóndirdi, dep habarlaıdy vedomstvo baspasóz qyzmeti.
Órt sóndirý bólimsheleri oqıǵa ornynda joǵary shaqyrý dárejesi boıynsha jumys istedi.
— Mańǵystaý oblysy TJD kúshteri men quraldary oqıǵa ornyna jetkennen keıin qazandyqtyń shatyry janyp jatqany anyqtaldy. Oqıǵa ornynda jedel qutqarý jasaǵy, apattar medıtsınasy ortalyǵy jáne TJD barlyq kúshteri men quraldary jumys jasap jatyr. Zardap shekkender týraly aqparat ázirge túsken joq, — dedi Mańǵystaý oblysy TJD resmı ókili Erlan Soltanmuratov.
Qazirgi ýaqytta qutqarýshylardyń kúshimen órt 500 sh. m. alańda sóndirildi.
Budan buryn Aqtóbede «Ramazan» qus fabrıkasynyń qoımasy órtengeni týraly jazǵanbyz.
