Aqtaý qalasynda 1300-den asa páterge jylý berý shekteldi

ASTANA. KAZINFORM — Búgin Aqtaýdyń jylý jelilerinde aqaý anyqtalyp, shekteý sharalary qabyldandy, dep habarlaıdy Aqtaý qalasy ákimdiginiń baspasóz qyzmeti.

«Kaspıı jylý, sý arnasy» MKK habarlamasyna sáıkes 20 qazan kúngi aqparat boıynsha Aqtaý qalasynyń jylý jelilerindegi 6 núktede aqaý tirkeldi.

Olar:

1. 7 sh/a № 9 orta mektep mańy (№ 9 orta mektepke jylý berý shektelgen, turǵyn úı joq)​; 

2. 30 sh/a № 167 úı mańy (№ 19 sh/a Órleý TÚK, barlyǵy — 168 páter); 

3. 23 sh/a, UB ǵımarat mańy (Antıkor, IVS, № 100 úı, barlyǵy — 35 páter, 101, 100a ǵımarat, Qazyna, Han táńiri, Batys, SPR); 

4. 34 sh/a № 2 úı mańy (№ 2 úı, barlyǵy — 364 páter); ​​ 

5. 19A sh/a № 16 úı mańy jylý jelisin qazý (№ 16,17 úıler, barlyǵy — 216 páter); 

6. 17 sh/a «Tanym» TÚK mańy (№ 24, 24A úıler, barlyǵy — 172 páter); 

7. Shyǵys-1 sh/a, № 292/2 ýchaske (№ 359, 361, 379, 380 úıler, barlyǵy — 414 páter); 

Qala ákimdiginiń málimetinshe, Aqtaý qalasyna ortalyq jylý jelisi arqyly jylý berýde shekteý joq.

— Tizimde kórsetilmegen turǵyn úılerde másele bolsa, qyzmet kósetýshi mekeme (KSK, OSI) arqyly anyqtaý qajet. Al anyqtaý múmkin bolmasa, kommýnaldyq mamandardan quralǵan jedel shtabqa júginýge bolady, — delingen habarlamada. 

Sonymen qatar, vedomstvo CALL ortalyq nómirlerin de usyndy: 87058162637 — kúndizgi aýysymdaǵy maman; 87756334750 — túngi aýysymdaǵy maman.

Budan buryn Aqtaýda turǵyn úı qurylysyna qarjy quıǵan 550 azamat baspanasyn ala almaǵanyn jazǵanbyz.