Aqtaý qalasy ákiminiń jańa orynbasary taǵaıyndaldy
AQTAÝ. KAZINFORM — Aqtaý qalasy ákiminiń orynbasary bolyp Shapaǵat Ázirhanov taǵaıyndaldy. Bul týraly qala ákiminiń baspasóz qyzmeti habarlady.
Shapaǵat Basshyuly Ázirhanov 1990 jylǵy 22 qazanda Mańǵystaý oblysy Beıneý aýdanynda dúnıege kelgen. Bilimi joǵary.
Eńbek jolyn 2007 jyly «Aǵnııa» JShS-de operator-baǵdarlamashy qyzmetinen bastaǵan. 2008–2010 jyldary osy mekemede ekonomıka jónindegi menedjer bolyp jumys istegen.
2011–2017 jyldary Beıneý aýdany boıynsha memlekettik kirister basqarmasynda jetekshi jáne bas maman qyzmetterin atqardy.
2017–2022 jyldary atalǵan basqarmada aqparattardy qabyldaý jáne óńdeý bóliminiń, salyqtyq baqylaý jáne óndirip alý bóliminiń basshysy, sondaı-aq basqarma basshysynyń orynbasary qyzmetterin atqardy.
2022 jylǵy aqpannan 2023 jylǵy qyrkúıekke deıin Aqtaý qalasy boıynsha memlekettik kirister basqarmasynyń basshysy boldy.
2023 jyly Mańǵystaý oblysy boıynsha memlekettik kirister departamentiniń bereshektermen jumys bólimin basqardy.
2024–2025 jyldary «Kaspıı» áleýmettik-kásipkerlik korporatsııasy» aktsıonerlik qoǵamynda, keıin Munaıly aýdandyq ishki saıasat jáne tilderdi damytý bóliminde jumys istedi.
2025 jylǵy 4 tamyzdan bastap búginge deıin Qaraqııa aýdany ákiminiń orynbasary qyzmetin atqardy.
