Bekzat Júsip Aqtaý qalasy ákiminiń orynbasary bolyp taǵaıyndaldy

AQTAÝ. KAZINFORM – Aqtaý qalasy ákiminiń orynbasary bolyp Bekzat Júsip taǵaıyndaldy. Bul týraly Aqtaý qalasy ákimdiginiń baspasóz qyzmeti habarlady. 

Bekzat Júsip 1989 jyly Mańǵystaý oblysy Mańǵystaý aýdany Ushtaǵan aýylynda dúnıege kelgen. 

Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin, Qazaq ekonomıka, qarjy jáne halyqaralyq saýda ýnıversıtetin, Ulybrıtanııadaǵy Shyǵys Anglııa ýnıversıtetiniń magıstratýrasyn támamdaǵan. «Bolashaq» halyqaralyq baǵdarlamasynyń túlegi.

Eńbek jolyn 2006 jyly «Qazaqstan» RTRK» AQ Mańǵystaý oblystyq fılıalynda redaktor qyzmetinen bastaǵan.

2009-2013 jyldary respýblıkalyq telearnalarda jumys istedi.
2013-2016 jyldary — Qyzylorda oblysy ákiminiń baspasóz hatshysy — bas ınspektor.
2019-2021 jyldary — «Qazaqstan» RTRK» AQ Mańǵystaý oblystyq fılıalynyń dırektory.
2021-2022 jyldary Qazaqstan Respýblıkasy Memlekettik hatshysynyń Hatshylyǵy meńgerýshisiniń orynbasary boldy.
2022–2023 — Premer-mınıstr keńsesi basshysynyń orynbasary.
2023–2024 — «Qazcontent» AQ basqarma tóraǵasy laýazymdarynda boldy.

Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.