Aqtaý qalasy ákiminiń orynbasary kásipkerlikpen aınalysqany úshin aıyppul arqalady
Aqtaý qalasy ákiminiń orynbasary kásipkerlikpen aınalysqany úshin 483 myń teńge aıyppul tóleıdi. Bul týraly qoǵamdyq kommýnıkatsııalar qyzmetinde ótken brıfıngte Sybaılas jemqorlyqqa qarsy qyzmettiń Mańǵystaý oblysy boıynsha departamentiniń basshysy Shamuraıt Shámenov málim etti, dep habarlaıdy QazAqparat tilshisi.
"Aǵymdaǵy jyldyń basynan beri departament 30 ákimshilik hattama jasady. Olardyń qaralý qorytyndysy boıynsha bıýdjetke 10 mln teńge kóleminde aıyppul tólendi», - dedi departament basshysy Shamuraıt Shámenov.
Aqtaý qalasy ákiminiń orynbasary qoldanystaǵy shekteýler týraly bile tura, kásipkerlikpen aınalysqan. Ol ákimshilik quqyq buzýshylyq týraly kodekstiń 154-babynyń (Qazaqstan Respýblıkasynyń zańnamasymen belgilengen tulǵanyń kásipkerlik qyzmetpen aınalysýy) talaptaryn buza otyryp, júzege asyrǵan. Sondyqtan oǵan 483 myń teńge kóleminde aıyppul salynǵan.
