Aqtaý qalalyq sotynyń burynǵy basshysy Baýyrjan Shaıdýllın 9 jylǵa sottaldy

AQTAÝ. KAZINFORM – Aqtaý qalalyq sotynyń burynǵy tóraǵasy Baýyrjan Shaıdýllınge úkim shyqty. Ol para berip, alaıaqtyq jasady dep aıyptaldy. Shaıdýllın 20 mıllıon teńgege sottalýshyǵa úkimdi jeńildetýge ýáde bergen.

Oǵan qatysty sot tórt aıǵa sozyldy. Bastapqyda bul isti Aqtaý qalalyq soty qarap, keıin Munaıly aýdandyq sotyna berilgen. 

- Búgin Munaıly aýdandyq sotynda Baýyrjan Shaıdýllınge qatysty iske núkte qoıyldy. Oǵan toǵyz jyl bas bostandyǵynan aıyrý jazasy taǵaıyndaldy. Onyń seriktesi - sot oryndaýshysy Rınat Janahmetov 8 jylǵa sottaldy. Burynǵy sýdıadan memleket kirisine onyń bank uıashyǵynan tabylǵan 16 mıllıon teńge tárkilendi.

Al, jábirlenýshilerdiń sottalýshylardan 1 mıllıon teńge talap etken talap aryzyn sot qaraýsyz qaldyrdy, - delingen habarlamada. 

Buǵan deıin, Aqtaý qalalyq sotynyń tóraǵasy ustalǵan sáttiń vıdeosy jarııalanǵan bolatyn.

Sodan soń Aqtaý qalalyq sotynyń tóraǵasyna qatysty tergeý aıaqtaldy dep jazdyq.