Aqtaý kafesinde eki jigitti atyp, qashyp ketken 6 kúdikti ustaldy

AQTAÝ. QazAqparat - Aqtaý qalasy krımınaldyq polıtsııa qyzmetkerleri buzaqylyq nıetpen kisi óltirýge oqtalý faktisi boıynsha 6 kúdiktini ustady, dep habarlaıdyQazAqparat.

«Osy oqıǵaǵa qatysqandardyń bári ýaqytsha ustaý ızolıatoryna qamaldy. Tergeý múddesi úshin basqa aqparat jarııalanbaıdy» dep habarlady polıtsııadan.

Eske sala keteıik, 12 qarashada Mańǵystaý oblystyq aýrýhanasyna «WOW» kafesinen 19 jastaǵy eki azamat jetkizilgen edi.

Olardyń bireýinde oq jaraqaty, al ekinshisinde tize býynynyń jabyq jaraqaty boldy.

Oqıǵa ornyna jedel-tergeý toby jiberildi.

Bul fakt Qylmystyq kodekstiń 24-baby 3-bólimi jáne 99-baby 2-bólimi 9-tarmaǵy (buzaqylyq nıetpen óltirýge oqtalý) boıynsha tirkelgen.