Aqtaý — HGMZ baǵytyndaǵy qıylysta jol erejeleri ózgerdi

ASTANA. KAZINFORM — Aqtaýdaǵy jol qıylystarynyń birinde qaýipsizdik úshin qozǵalys tártibi jańartyldy, dep habarlaıdy qalasy ákimdiginiń baspasóz qyzmeti.

Aqtaý qalasynyń ákimdigi men qalalyq polıtsııa basqarmasynyń birlesken jumysy nátıjesinde Aqtaý jáne HGMZ jol qıylysyn baılanystyratyn № 55 avtomobıl jolynda jol qozǵalysyn uıymdastyrý tártibine birqatar ózgeris engizildi.

Jol qaýipsizdigin arttyrýǵa baǵyttalǵan bul joba aıasynda avtojoldyń birneshe ýchaskesinde jańa jol belgileri ornatylyp, jaıaý júrginshiler ótkelderi men jol syzyqtary jańartyldy.

Sonymen qatar, baǵdarshamdarǵa solǵa burylý múmkindigin qosatyn qosymsha sıgnaldar engizildi. Atap aıtqanda qala aýmaǵyna baǵdarshamǵa baǵynbaıtyn keri aınalý jolaǵy iske qosylyp, Aqtaý qalasynan Atameken aýylyna kedergisiz ońǵa burylatyn sıgnaly alynyp tastaldy. Onyń ornyna HGMZ jolynan Atameken aýylyna qaraı solǵa burylý sıgnaly iske qosyldy. Retteletin jol qıylysyna jańadan jol tańbalary engizildi.

— Atalǵan sharalar jol-kólik oqıǵalarynyń aldyn alyp, júrgizýshiler men jaıaý júrginshilerdiń qaýipsizdigin qamtamasyz etýge baǵyttalǵan. Osyǵan baılanysty barlyq jol qozǵalysyna qatysýshylardy jańadan ornatylǵan jol belgilerine jáne ózgertilgen qozǵalys erejelerine muqııat bolýǵa shaqyramyz, — dedi Aqtaý qalalyq PB Jol jáne tehnıkalyq ınspektsııa bólimshesiniń aǵa ınspektory, polıtsııa kapıtany Sábıt Asylov.

Osydan buryn Aqtaýda turǵyn úı qurylysyna qarjy quıǵan 550 azamat baspanasyn ala almaǵanyn jazdyq.