Aqtaý halyqaralyq áýejaıynda jalpy quny 47 mln. AQSh dollaryn quraıtyn ushý-qoný jolaqtaryn qaıta qurý boıynsha jumystar júrgizilýde
ASTANA. 27 qazan. QazAqparat - Aqtaý halyqaralyq áýejaıyn qaıta qurý jumystarynyń ekinshi kezeńi júzege asyrylýda. Strategııalyq áýe jelisin jańǵyrtý jolaýshylarǵa qyzmet kórsetý deńgeıin halyqaralyq standarttarǵa kóterýge jáne ushý qaýipsizdiginiń joǵarǵy deńgeıin qamtamasyz etýge múmkindik beredi.
Aqtaý halyqaralyq áýejaıynda jalpy quny 47 mln. AQSh dollaryn quraıtyn ushý-qoný jolaqtaryn qaıta qurý boıynsha jumystar júrgizilýde. Investıtsııalyq joba Qazaqstannyń Damý bankiniń 36,8 mln AQSh dollary kólemindegi qarjysymen júzege asyrylýda. Ushý-qoný jolaǵyn keńeıtip, jańǵyrtqannan keıin áýejaı modıfıkatsııasy men gabarıtterine qaramastan barlyq áýe kemelerin qabyldaı alady.
2010 jyly Aqtaý áýejaıyn qaıta qurý jobasynyń birinshi kezeńin júzege asyrý aıasynda jańartylǵan jolaýshylar termınaly paıdalanýǵa berildi. Termınaldyń jańa qyzmet kórsetý zaldary jylyna 3,5 mıllıon jolaýshyny qabyldaı alady. Strategııalyq mańyzy bar ınfraqurylymdyq jobany kontsessııa aıasynda óz qarajaty esebinen «ATM Grup» JShS júzege asyrdy. Termınaldy iske qosqannan bastap áýejaıdyń qyzmetkerler sany 40 adamǵa kóbeıdi.
Halyqaralyq áýejaı Batys Eýropany Ortalyq jáne Ońtústik-Shyǵys Azııamen baılanystyratyn áýe baǵyttarynyń qıylysynda ornalasqan. Aqtaý qalasynyń strategııalyq jaǵynan yńǵaıly ornalasýy Parsy shyǵanaǵy elderinen tranzıttik júk tasqynyn qabyldaıtyn «Soltústik-Ońtústik» kólik dálizine qatysýǵa anaǵurlym básekeli basymdylyq beredi.
Búgingi tańda Aqtaý áýejaıy Astana jáne Almaty qalalarynan keıin tasymal kólemi men sany boıynsha elimizde úshinshi orynda tur. Áýejaıda 90-nan astam otandyq jáne sheteldik áýe kompanııalarǵa qyzmet kórsetiledi.
QazAqparat anyqtamasy: Aqtaý halyqaralyq áýejaıy 1983 jyldan beri jumys isteıdi jáne azamattyq avıatsııanyń áýe kemelerin qabyldaý jáne shyǵarý úshin jabdyqtalǵan. 2011 jyldyń mamyrynda Aqtaý áýejaıy «TMD elderi boıynsha jyldyń eń úzdik áýejaıy» baıqaýynda atalym boıynsha jeńimpaz atanǵan.
