Aqtaý halyqaralyq áýejaıynda kúrdeli jóndeý jumystary bastaldy
AQTAÝ. KAZINFORM – Aqtaý halyqaralyq áýejaıynyń ushý-qoný jolaǵyn kúrdeli jóndeý jumystary eki aıǵa josparlanǵan. Osyǵan baılanysty áýejaı qyrkúıektiń birinen bastap dúısenbi, sársenbi jáne senbi kúnderi tańǵy 9-dan keshki 9-ǵa deıingi aralyqta jumys istemeıdi.
Qalǵan ýaqytta ǵana áýe reısterin qabyldaıdy. Sondaı-aq jóndeý jumystary 30 qyrkúıek pen 20 qazan aralyǵynda dál osy kestemen seısenbi jáne juma kúnderi jalǵasady.
Áýejaıdyń bas dırektory Merýert Joldybaevanyń aıtýynsha, ushý-qoný jolaǵyn kúrdeli jóndeý ushaqtar men jolaýshylardyń qaýipsizdigin qamtamasyz etýge baılanysty qolǵa alynyp otyr.
- Sońǵy jyldary aǵymdaǵy jóndeý jumystary júrgizilip, oı-shuńqyry bitelgen bolatyn. Bıyl ushý-qoný jolaǵyna kúrdeli jóndeý júrgizýdi josparladyq. Osyǵan oraı áýejaı jumys kestesiniń ózgeretini týraly áýe tasymaldaýshylarǵa aldyn ala habarlandy. Buǵan túsinistikpen qaraýdy suraımyz. Sebebi biz úshin jolaýshylardyń qaýipsizdigi asa mańyzdy. Ushý aldynda áýe kompanııasy ókilinen aqparatty aldyn ala naqtylap alǵan jón, - deıdi Aqtaý halyqaralyq áýejaıynyń bas dırektory Merýert Joldybaeva.
Buǵan deıin Mańǵystaýda Quryq porty akvatorııasynyń túbin tereńdetý jumystary bastalǵan edi. Bul porttyń áleýetin odan ári arttyryp, shet eldermen baılanysty nyǵaıtýǵa yqpal etpek
