Aqtaý halyqaralyq áýejaıy aýa raıyna baılanysty jumysyn ýaqytsha toqtatty

AQTAÝ. KAZINFORM – 27 aqpan kúni jergilikti ýaqyt boıynsha saǵat 12:00 men 17:00 aralyǵynda Aqtaý áýejaıynyń ushý-qoný jolaǵy qolaısyz aýa raıy jáne tehnıkalyq qyzmet kórsetýge baılanysty ýaqytsha jabyldy.

Ақтау халықаралық әуежайы ауа райына байланысты жұмысын уақытша тоқтатты
Фото: Александр Павский / Kazinform

Mańǵystaý oblystyq jolaýshylar kóligi jáne avtomobıl joldary basqarmasy qolaısyz aýa raıy men ushý-qoný jolaǵyn tehnıkalyq kútimnen ótkizýge baılanysty, Aqtaý halyqaralyq áýejaıy 27 aqpan 2025 jyly saǵat 12:00-den 17:00-ge deıin ýaqytsha jabylǵandyǵyn habarlaıdy.

Sondaı-aq, júrgizýshiler men jolaýshylardyń qaýipsizdigin qamtamasyz etý maqsatynda áýejaıǵa baratyn jol da jabyq.

Áýejaıdyń jumysy men joldyń ashylýy týraly qosymsha habarlanatyn bolady.

Jolaýshylar áýejaıdyń resmı saıtynda reısterdiń jaı-kúıi jáne kestedegi ózgerister týraly ózekti aqparatty ala alady www.aktau-airport.kz nemese táýlik boıǵy anyqtama bıýrosynyń telefony arqyly: 8 (7292) 60 97 55. 

Aldyn ala málimetter boıynsha, 27 aqpanda josparlanǵan 11 reıstiń 4-i keshigip jatyr.

Aqtaý halyqaralyq áýejaıy aýa raıyna baılanysty jumysyn ýaqytsha toqtatty
Foto: skrın
Aqtaý halyqaralyq áýejaıy aýa raıyna baılanysty jumysyn ýaqytsha toqtatty
Foto: skrın

Eske salsaq Astana – Aqtaý baǵytyndaǵy ushaqtan órt shyqqan edi

Сейчас читают