Aqtaý garnızonynyń áskerı qyzmetshileri ushaq apatynan zardap shekken jolaýshylarǵa qan tapsyrdy

AQTAÝ. KAZINFORM — 500-den astam aqtaýlyq donor bolyp, qan tapsyrdy. Olardyń arasynda Aqtaý garnızony áskerı polıtsııa jasaǵynyń áskerı qyzmetshileri de bar.

Áýe kemesiniń apaty jaıly estip bilgen áskerı polıtsııa ókilderi qan ortalyǵyna baryp, shamamen 5 lıtrdeı tapsyrdy.

- Barsha qazaqstandyqtar sııaqty biz de qaza tapqandar úshin qatty qaıǵyrdyq. Aman qalǵan jolaýshylardyń tezirek saýyǵyp ketýin tileımiz. Bizdiń bul úlesimiz zardap shekkenderdiń densaýlyǵy qalpyna kelip, otbasylaryna tezirek oralýǵa kómektesedi dep úmittenemiz, - dedi Aqtaý garnızony áskerı polıtsııa basqarmasynyń shtab bastyǵy polkovnık Danııar Asqarov.

Búkil el bolyp, áýe apatynan zardap shekkender úshin 800 lıtr qan tapsyrdy. Aqtaýda óe500 adam, Astanada 600-den astam adam, Shymkentte 125, Aqtóbede 109, Jetisýda 49, Qaraǵandyda 40, Shyǵys Qazaqstan oblysynda 34 adam donorlyq ortalyqtarǵa keldi.

Esterińizge sala keteıik, 25 jeltoqsanda Bakýden Groznyıǵa bara jatqan Azerbaijan Arilines avıakompanııasynyń Embraer ushaǵy Aqtaý qalasynyń mańynda apatqa ushyraǵan bolatyn.

Ushaqtyń bortynda 67 adam bolǵan. Oqıǵa saldarynan 38 jolaýshy qaza taýyp, 29 adam, onyń ishinde úsh bala aman qaldy.