Aqtaý garnızonynda sarbaz kóz jumdy
ASTANA. KAZINFORM – 17 aqpanda Mańǵystaý oblysyndaǵy «Beıneý» polıgony aýmaǵynda Qazaqstan Qarýly Kúshteri Qurlyq áskerleriniń «Batys» óńirlik qolbasshylyǵyna qarasty merzimdi qyzmettegi áskerı qyzmetshi qaza tapty.
Qazaqstan Respýblıkasy Qorǵanys mınıstrligi baspasóz qyzmetiniń málimetinshe, oqıǵa josparly dalalyq atys jattyǵýlary kezinde bolǵan. Qarý qoldaný barysynda sarbaz oq jaraqatyn alǵan.
Bas prokýratýranyń málimetinshe, 17 aqpanda Aqtaý garnızonyndaǵy áskerı bólimderdiń birinde merzimdi áskerı qyzmetshiniń qaıtys bolý faktisi boıynsha áskerı-tergeý organdary sotqa deıingi tergep-tekserýdi bastady.
Oqıǵa ornyna Qazaqstan Respýblıkasy Qorǵanys mınıstriniń orynbasary, Bas áskerı prokýror, Іshki ister mınıstrliginiń Áskerı-tergeý departamentiniń bastyǵy bardy.
Qajetti jedel-tergeý is-sharalary júrgizilýde, saraptamalar taǵaıyndaldy.
Іs boıynsha protsessýaldyq prokýror aıqyndaldy.
Іstiń tergelý barysy Qazaqstan Respýblıkasynyń Bas prokýratýrasy tarapynan baqylaýǵa alyndy.
Qazaqstan Respýblıkasy Qylmystyq-protsestik kodeksiniń 201-babyna sáıkes sotqa deıingi tergep-tekserýdiń ózge derekteri jarııa etýge jatpaıdy.
Aıta ketelik Jambyl oblysynda merzimdi áskerı qyzmettegi sarbaz qaza bolǵan edi.