Aqtaý emhanasynyń egý pýnktinde uzyn-sonar kezek qalyptasty

AQTAÝ. QazAqparat - Aqtaýlyqtar emhanada ornalasqan vaktsınatsııa pýnktindegi uzyn-sonar kezekke shaǵymdandy, dep habarlaıdy QazAqparat tilshisi.

Áleýmettik jelilerle koronavırýsqa qarsy vaktsına alǵysy kelgenderdiń uzan-sonar kezegi túsirilgen vıdeo taraýda. Anyqtalǵandaı, vıdeo 8 tamyzda 7-shaǵynaýdandaǵy №1 Aqtaý qalalyq emhanasynda túsirilgen.

«Nege vaktsınatsııa durys uıymdastyrylmaǵan? Aıtarǵa sóz joq», – deıdi koronavırýsqa qarsy ekpe alǵysy keletin jergilikti turǵyndardyń biri.

Al oblystyq Densaýlyq saqtaý basqarmasy bul jaǵdaıǵa baılanysty aqparat berdi. Baspasóz qyzmetiniń habarlaýynsha, demalys kúnderi Aqtaýda ekpe alǵysy keletin turǵyndar sany kúrt artqan. Ásirese №1 qalalyq emhanada kezekte turǵandar qarasy kóbeıgen.

«Qazirgi ýaqytta emhanada úsh egý kabıneti jumys isteıdi. Taǵy bir kabınetti ashýǵa daıyndap jatyr. Jaǵdaı baqylaýda», – delingen málimette.

Turǵyndardy kezekte kúttirmes úshin dárigerler basqa emhanaǵa barýǵa keńes beredi.