Aqtaý dárigerleri júregine judyryqtaı et ósken naýqastyń ómirin saqtap qaldy
AQTAÝ. QazAqparat - Mańǵystaý oblystyq aýrýhanasyndaǵy kardıologııa ortalyǵy 51 jastaǵy Roza esimdi naýqastyń ómirin saqtap qaldy. Naýqastyń júregine 4-5 sm kóleminde et ósken. Dárigerler shuǵyl ota jasap, ony sylyp alyp tastaǵan, dep habarlaıdy «QazAqparat» HAA tilshisi.
Ota 3,5 saǵatqa sozyldy. Qozybaevtyń janynda assıstent qyzmetin emdeýshi dáriger Nurǵazy Qurmanalıuly atqaryp, anestezıolog-perfýzıolog Máýlen Jumadillaev boldy, sonymen qatar, operatsııaǵa kardıolog Ásel Serıakovskaıa qatysty.
Ota aıaqtalǵannan keıin birneshe saǵat ishinde áıel qoldan dem aldyrý apparatynan ajyratylyp, ózine keldi. Búgin ol basyn kóterip, sóılep, tamaq ishý múmkindigine ıe boldy, dárigerler naýqastyń jaqyn arada jaǵdaıy turaqtalatyndyǵyn jetkizdi.
