Aqtaý dárigerleri jańa jyl túninde júkti áıeldi qutqaryp qaldy
AQTAÝ. QazAqparat - Jańa jyl túninde Mańǵystaý oblysy perınataldy ortalyǵynda 9 sábı dúnıege keldi: olardyń altaýy ul jáne úsheýi qyz. Jańa jyldyq saýyq keshinde tolǵaǵy ustaǵan júkti áıel jyltyraǵan kóılegimen birge dereý ota ústeline jatqyzyldy.
Dárigerler der kezinde ota jasap, ana men balanyń ómirin saqtap qaldy, dep habarlaıdy QazAqparat tilshisi.
«Tańǵy 8-den keshki 8-ge deıin 9 sábı dúnıe esigin ashty. Eń alǵashqy náreste - qyz bala, 02:35-te 3 keli, 470 gramm salmaqpen týdy. Bul túni dúnıege kelgen eń úlken bala 4 keli, 50 gramm boldy, eń kishisi - 2 keli, 600 gramm. Barlyǵy 3 qyz jáne alty ul. Bir júkti áıel saýyq keshinen bir-aq keldi. Ony teksergen dárigerler dereý kesir tiligin jasaý týraly sheshim qabyldady. Otanyń kómegimen ananyń da, balanyń da ómirin saqtap qaldyq», - dedi Mańǵystaý oblysy perınataldy ortalyǵynyń dırektory Jamal Jamanbaeva.
