Aqtaý dárigerleri naýqastyń asqazanynan uzyndyǵy 15-18 sm úsh temir alyp shyqty

AQTAÝ. QazAqparat - Mańǵystaý oblystyq aýrýhanasynda endoskopıst-dárigerler temir jutyp qoıǵan naýqasqa tiliksiz ota jasady, dep habarlaıdy QazAqparat.

Mańǵystaý oblystyq aýrýhanasy baspasóz qyzmetiniń málimetinshe, 29 jastaǵy naýqas 18 mamyr kúni jedel túrde aýrýhanaǵa kelgen.

Syrqattyń ishiniń joǵarǵy bóligi aýyrsynǵan. Aldymen dárigerler jedel túrde laboratorly-ınstrýmentaldy zertteý júrgizdi.

Іsh qýysynyń rentgenografııasy nátıjesinde asqazannan birneshe bógde zat tabyldy.

- Naýqasqa shuǵyl túrde jansyzdandyrý arqyly endoskopııalyq ádispen ota jasadyq. ıAǵnı, aýyz arqyly vıdeoezofagogastrodýodeoskopııa apparattyń kómegimen denedegi artyq zatty syrtqa shyǵardyq. Naýqas ishinen uzyndyǵy 15, 16, 18 sm temir, basy joq qasyq alyndy. Naýqasta eshqandaı aýyrsyný bolǵan joq. Ota shamamen jarty saǵatqa sozyldy. Qazirgi tańda ambýlatorly emge jiberildi, - dedi Mańǵystaý oblystyq aýrýhanasynyń endoskopıst-hırýrgy Baýyrjan Tanaýov.

Aıta keteıik, atalǵan operatsııaǵa hırýrg-endoskopıst B.Tanaýov, M. Taıshybaı jáne anestezıolog K. Shadıeva qatysty.

Mundaı operatsııalar MÁMS baǵdarlamasy aıasynda tegin júrgiziledi.