Aqtaý bıligi qys ishinde velosıped joldaryn salyp jatyr
ASTANA. QazAqparat - 2016 jyldyń sońyna deıin «Aqbota» parkinde eki qoǵamdyq dárethana men velosıped joldaryn tóseý josparlanǵan. Aldaǵy parkti abattandyrý jumystary keler jylǵa qaldyryldy, dep habarlaıdy Lada.kz Aqtaý ákimdigi qurylys bóliminiń jetekshisi Qaırat Aqybaevqa silteme jasap.
Bul jumystarǵa memlekettik bıýdjetten 213 mıllıon teńge bólingen. Aqtaý ákimdigi qoǵamdyq dárethanalar ornatý men «Aqbota» parkindegi velosıped joldaryn tóseý jumystaryn 2016 jyldyń sońyna deıin aıaqtaýǵa ýáde berdi.
Qalalyq qurylys bóliminiń aıtýynsha, avtokólik turaǵyna asfalt tóseý, park aýmaǵynda velojol qurylysy boıynsha daıyndyq jumystary, negizgi materıaldar satyp alý, sýarýǵa arnalǵan sý qubyry, dárethana salý men káriz júıesin júrgizý boıynsha 100 mıllıon teńge ıgerilgen.
«Jyl boıy qoldanýǵa arnalǵan qoǵamdyq dárethanalardy «Nur Barys-N» JShS ornatady. Olar tegin jumys isteıtin bolady. Jańa dárethanalar jyl sońynda paıdalanýǵa beriledi, - dedi Aqybaev. - Eki dárethananyń qurylysy aıaqtalýǵa jaqyn, velosıped joldary men úlken avtoturaq qurylysy da aıaqtalyp keledi».
Qurylys bólimi basshysynyń aıtýynsha, bedertastar tóseý, sýburqaq ornatý sekildi negizgi jumystar keler jylǵa qaldyrylǵan.
