Aqtaý aıaldamalarynda Wi-Fi bolady
AQTAÝ. QazAqparat - Aqtaýda Wi-Fi jelisine qosylǵan zamanaýı úlgidegi aıaldamalar ornatylýda, dep habarlaıdy QazAqparat tilshisi.
Aqtaý qalalyq ákimdiginen málim etkendeı, joba qalanyń 55 jyldyǵyna oraı qolǵa alynǵan jáne ol jergilikti kásipkerlerdiń demeýshiligi esebinen júrgizilýde.
Avtobýs povılondarynyń konstrýktsııasy metaldan turady, aralaryn móldir shyny jalǵaıdy. Jalpy uzyndyǵy -12 metr. Túngi ýaqytta jaryqtandyrylyp turatyn eki jaq qabyrǵasy aqparattyq-jarnamalyq málimetterdi ornalastyrýǵa arnalǵan. 
Búginde jańa aıaldamalar 6-ynshy, 7-inshi jáne 12-shaǵyn aýdandarda ornatyldy. Aldaǵy ýaqytta taǵy 12 pavılon turǵyzý josparda bar.
«Barlyq aıaldamalar tolyq ornatylǵan soń, Wi-Fi jelisine qosylady», - delingen ákimdik aqparatynda. 
