Aqtaý áýejaıyndaǵy kompanııa qymbat taǵamdar satqany úshin 1,6 mln teńge aıyppul tóleıdi

AQTAÝ. QazAqparat - Aqtaý áýejaıynyń termınalyn paıdalanyp otyrǵan kompanııa 1 mln 600 myń teńge aıyppul tóleıdi. Buǵan qosa, 15 mln teńgeden astam qarjysy monopolııalyq kiriske tárkilenedi. Aqtaý qalalyq soty osyndaı sheshim shyǵardy, dep habarlaıdy QazAqparat tilshisi.

Tekserý júrgizýge áýejaı ishindegi qoǵamdyq tamaqtaný ornyndaǵy baǵanyń qymbattyǵy sebep boldy. 500 teńge turatyn samsa qunyna narazy bolǵan bir jolaýshy tıisti organdarǵa aryz túsirgen. Sodan keıin monopolııaǵa qarsy departament qyzmetkerleri tekserý júrgizip, zańǵa qaıshy ákeretterdi anyqtady.

«Qoǵamdyq tamaqtaný oryndarynda baǵanyń joǵary bolýy - ol jalǵa beriletin oryndardyń qymbattyǵyna baılanysty. Osyǵan oraı, Aqtaý halyqaralyq áýejaıynyń jolaýshylar termınalyn paıdalanatyn «ATM grýpp» JShS qatysty tekserý júrgizildi. Tergep-tekserý nátıjesinde jalǵa beriletin oryndardyń qymbat bolýy jáne bul rette ústemdigin nemese monopolııalyq jaǵdaıdy teris paıdalaný faktileri anyqtaldy»,-deıdi oblystyq monopolııaǵa qarsy departamenti tergeý bóliminiń bas mamany Qýandyq Qosjanov.