Aqtaý áýejaıyndaǵy keshiktirilgen reısterdiń basym bóligi ushyryldy
AQTAÝ. QazAqparat - «SKAT» áýe kompanııasynyń keshegi keshiktirilgen reısteriniń kóbi búgin jóneltildi jáne ushýǵa daıyndalyp jatyr, dep málimdedi Aqtaý áýejaıynyń qyzmetkerleri «QazAqparat» HAA tilshisine.
Esterińizge sala keteıik, Aqtaý áýejaıynan ushatyn «SKAT» áýe kompanııasynyń avıareısteri eki táýlikke keshiktirildi. Olar «Aqtaý-Atyraý», «Aqtaý-Almaty», «Aqtaý-Shymkent», «Aqtaý-Astana», «Aqtaý-Mahachkala» baǵytyndaǵy ushaqtar. «Aqtaý-Atyraý» baǵytyndaǵy ushaq bizge berilgen málimet boıynsha, tańǵy 6-da ushýǵa tıis bolǵan, alaıda, ol saǵat 10-kezinde ushyryldy. «Aqtaý-Almaty», «Aqtaý-Astana», «Aqtaý-Shymkent» baǵyttarynyń ushý ýaqyty 10.30 dep belgilendi. «Aqtaý-Mahachkala» áli qonǵan joq», - deıdi derekkózder.
