Aqtaý áýejaıynda jeke kýáliktiń tsıfrlyq nusqasyn paıdalanýǵa bolady

NUR-SULTAN. QazAqparat – Qazaqstandyqtar Aqtaý áýejaıynda tsıfrlyq jeke kýálikti paıdalana alady. Bul týraly QR Azamattyq avıatsııa komıtetiniń Telegram-kanalynda málim etildi, dep habarlaıdy QazAqparat tilshisi.

«Aqtaý qalasynyń áýejaıynda jeke derekterdi rastaý úshin eGov Mobile qosymshasy arqyly tsıfrlyq jeke kýálikti usyný múmkindigi paıda boldy. Buryn mundaı qyzmet Nur-Sultan, Almaty, Aqtóbe, Shymkent jáne Túrkistan qalalarynyń áýejaılarynda qoljetimdi edi.

Áýejaıda tsıfrlyq jeke kýálikti paıdalaný úshin eGov mobile qosymshasynda tirkelgen paıdalanýshyǵa «Tsıfrlyq qujattar» servısine kirip, tizimnen jeke kýálikti tańdaý qajet. Áýejaıdyń tirkeý bóliminde, sondaı-aq ushý aldyndaǵy tekserýden ótý kezinde QR-kody bar smartfonnyń ekranyn kórsetý qajet», - dep jazylǵan komıtettiń málimetinde..

Degenmen ázirge bul pılottyq joba bolǵandyqtan, komıtet ókilderi joǵaryda atalǵan áýejaılarda jolaýshylardyń ózimen birge jeke kýáliginiń túpnusqasyn da alyp júrgeni jón ekenin eskertedi.

«Іshki reısterde tsıfrlyq jeke kýálikti paıdalaný múmkindigi QR Indýstrııa jáne ınfraqurylymdyq damý mınıstrligi Azamattyq avıatsııa komıtetiniń, «Qazaqstannyń avıatsııalyq ákimshiligi» aktsıonerli kqoǵamynyń, otandyq áýe kompanııalary men áýejaılardyń jáne «Ulttyq aqparattyq tehnologııalar» aktsıonerlik qoǵamynyń júıelerdi ıntegratsııalaý boıynsha birlesken kúsh-jigeriniń arqasynda paıda boldy», - dep jazady komıtettiń baspasóz qyzmeti.