Aqtaý áýejaıynda SCAT reısteri keshigip jatyr
ASTANA. QazAqparat - SCAT áýe kompanııasynyń Aqtaýdan ushatyn birqatar reısteri keshigip jatyr. Sochı, Máskeý, Baký, Tbılısı jáne Ystambul baǵyttaryna qatynaıtyn ushaqtar birneshe saǵatqa shegerildi, dep jazady Lada.kz.
Sondaı-aq Baký, Oral, Tbılısı, Shymkent, Máskeý, Sochı, Astana, Atyraýdan Aqtaýǵa ushatyn reıster de keshigýde. Áýe kompanııasynyń baspasóz qyzmeti atalǵan jaıttyń tranzıttik jolaýshylardy kútýge baılanysty bolyp otyrǵandyǵyn atap aıtty.
«Kompanııa reısteri keshiktirilip jatqan jolaýshylarǵa ystyq tamaqtar men demalatyn oryndar usynýda. Olardan osy qolaısyzdyqtar úshin keshirim suraımyz», - dedi áýe kompanııasynyń ókili.
