Aqtaý áýejaıynda reıster keıinge shegerilip jatyr
AQTAÝ. QazAqparat - Qazirgi sátte, 24 jeltoqsanda aýa raıy jaǵdaıyna baılanysty segiz reıs keıinge shegerildi, dep habarlaıdy QazAqparat lada.kz silteme jasap.
Atap aıtqanda, Astana, Astrahan, Máskeý, Ystanbul jáne Atyraý qalalarynan áýe reısteri shegerilip jatyr. Sondaı-aq, Aqtóbe, Atyraý, Almaty, Astana, Shymkent jáne Astrahan qalalaryna ushatyn reıster de kidirýde.
«Aqtaýdaǵy meteorologııalyq jaǵdaıdyń qıyndaýyna baılanysty avıatsııalyq marshrýttardyń ushý kestesi buzyldy. Ystanbul men Máskeýden keletin reıster Atyraýdaǵy qosymsha áýe aılaǵyna jiberildi. Ushý-qoný jolaǵyndaǵy muzdyń erigenin kútip otyrmyz», - dep habarlady Aqtaý halyqaralyq áýejaıynyń ókilderi.
