Aqtaý áýejaıynda iri kólemde kontrabandalyq buıymdar ustaldy
ASTANA. 27 qazan. QazAqparat. Búgin, 27 qazanda saǵat 04.00-de jedel saýyqtyrý sharalaryn ótkizý barysynda «Áýejaı-Aqtaý» keden beketiniń qyzmetkerleri men Kontrabandaǵa qarsy kúres basqarmasynyń qyzmetkerleri,
Aqtaý halyqaralyq áýejaıynda №844 «Ystambul-Aqtaý» áýe reısimen kelgen jolaýshylardy kedendik baqylaýdan ótkizý kezinde, rentgen apparaty arqyly osy áýe reısimen ushyp kelgen QR azamatshasy 1959 jyly týylǵan, Aqtóbe qalasynyń turǵyny M. esimdi azamatshanyń júk sómkesiniń ishinen, kıimderdiń arasynan, kedendik baqylaýdan jasyryn alyp ótpekshi bolǵan metalldan jasalǵan aq jáne sur tústi tańbalar basylǵan jalpy sany 664 dana buıymdary jáne ár tústi tańbasyz metalldan jasalǵan jalpy sany 327 dana buıymdar tabyldy. Bul habardy Mańǵystaý oblysy boıynsha Kedendik baqylaý departamenti taratyp otyr.
Osy derek boıynsha Kontrabandaǵa qarsy kúres basqarmasynda tergeý aldy tekserý sharalary júrgizilýde.
