Aqtaý áýejaıyna Reseı prezıdentiniń ushaǵy kelip qondy

AQTAÝ. QazAqparat - Kaspıı mańy memleketteriniń besinshi sammıtine oraı Reseı Prezıdenti Vladımır Pýtın Aqtaýǵa saparmen keldi, dep habarlaıdy QazAqparat. 

Atap aıtqanda, búgin túske deıin Aqtaý sammıtine qatysý úshin shaharǵa Túrikmenstan Prezıdenti Gýrbangýly Berdimuxamedov, Ázerbaıjan Prezıdenti Ilham Álıev jáne Iran Prezıdenti Hasan Rýhanı bastaǵan delegatsııalar kelgen bolatyn. 

Budan buryn habarlanǵandaı, Elbasy Nursultan Nazarbaev Aqtaýǵa sammıt qarsańynda kelip, óńirdegi birqatar mańyzdy nysandardy aralap kórdi.