Aqtaý áýejaıyna bomba qoıyldy degen aqparat tarap, el dúrlikti
Polıtsııa men áýejaı qyzmetkerleri jolaýshylardy evakýatsııalap, tekseris jumystaryn júrgizip jatyr.
28 qarasha kúni saǵat 16:48-de Aqtaý qalasy halyqaralyq áýejaıynyń elektrondyq mekenjaıyna ǵımaratqa qoıylǵan jarylǵysh qurylǵy týraly jasyryn habarlama kelip túsken.
Áýejaı aýmaǵyn tekserý barysynda jarylǵysh zattar men jarylǵysh qurylǵylar tabylmaǵan.
«Oqıǵa ornynda qazir mamandar jumys istep jatyr. Aqtaý halyqaralyq áýejaıy aýmaǵyn tintý kezinde jarylǵysh zattar tabylǵan joq. Áýejaı qalypty rejımde jumys istep tur. Qazir habarlamany jibergen adamnyń jeke basyn anyqtaý jumystary jalǵasýda. Jalǵan habarlama jibergen adamnyń qylmystyq jaýapkershilikke tartylatynyn eskertemiz», -dedi Mańǵystaý stansasyndaǵy jelilik polıtsııa bólimi bastyǵynyń orynbasary Qýanyshkereı Qyzylbaev.
Qazirgi ýaqytta áýejaı shtattyq rejımde jumys istep tur.
Vıdeodan alynǵan kadr