Aqtaý áýejaıy kúndizgi reısterdi qabyldaýdy toqtatady
AQTAÝ. QazAqparat - Aqtaý halyqaralyq áýejaıy ushý-qoný jolaǵyndaǵy josparly jóndeý jumystaryna baılanysty áýe kemelerin kúndizgi ýaqytta qabyldaýdy ýaqytsha toqtatady.
Bul jaıly Aqtaý áýe aılaǵynyń dırektory Erǵazy Joldasov málim etti, dep habarlaıdy «QazAqparat» HAA tilshisi.
Aqtaý áýejaıy dırektorynyń aıtýynsha, 4, 6, 11 jáne 13 qazan kúnderi saǵat 8.00-den 20.00-ge deıin áýe aılaǵy kez kelgen baǵyttaǵy áýe reısterin qabyldamaıdy jáne jóneltpeıdi.
Qazirgi ýaqytta atalǵan áýejaı Qazaqstan Respýblıkasynda tasymaldaý kólemi boıynsha Almaty jáne Astana áýejaılarynan keıingi úshinshi orynǵa ıe. Áýejaı 8 ishki jáne 16 halyqaralyq baǵyttar boıynsha qazaqstandyq jáne sheteldik kompanııalarǵa qyzmet kórsetedi. Aqtaýdan Máskeý arqyly Ystanbul, Baký, Kıev jáne basqa da álemniń kez kelgen núktesine jetýge bolady.
