Aqtaý áýejaıynda barlyq kúndizgi reısterdiń ýaqyty aýystyryldy

Aqtaý halyqaralyq áýejaıynda ushyp-qoný jolaǵyna jóndeý jumystary júrgiziledi. Soǵan baılanysty 23 qyrkúıek – 23 qazan aralyǵynda barlyq kúndizgi reıster keshki jáne tańǵy ýaqytqa aýystyryldy, dep habarlaıdy QazAqparat tilshisi.

Jóndeý jumystaryn 23 qyrkúıekten 23 qazanǵa deıin kún saıyn jergilikti ýaqytpen saǵat 09.00-den 21.00-ge deıin júrgizý josparlanǵan.

«Aǵymdaǵy jóndeý áýe kemeleriniń jáne jolaýshylardyń ushý kezindegi qaýipsizdigin qamtamasyz etýge baılanysty uıymdastyrylyp otyr. Jóndeý jumystary kezeńinde reıster tańerteńgi jáne keshki ýaqytqa aýystyrylady. Avıakompanııalar ókilderinen aqparatty naqtylaý usynylady", – delingen Aqtaý halyqaralyq áýejaıy taratqan málimette.

Mekeme basshylyǵy jolaýshylardyń jaǵdaıǵa túsinistikpen qaraýyn suraıdy. Jóndeý ýaqyty kezeńindegi reısterdiń kestesin myna jerden kórýge bolady.