00:15, 30 Qyrkúıek 2024 | GMT +6
Aqtaý áýejaıy reısterdiń nelikten keshigip jatqanyn túsindirdi
AQTAÝ. KAZINFORM – Aqtaý áýejaıynyń ókilderi áýe reısteriniń keshigýine baılanysty jaǵdaıdy túsindirdi.
«Qurmetti jolaýshylar! 2024 jylǵy 29 qyrkúıekte jergilikti ýaqyt boıynsha saǵat 21:00-de aýa raıy jaǵdaıyna baılanysty (ushý-qoný baǵyty boıynsha jeldiń kúsheıýi) 10 ushyp kelý jáne 5 ushyp ketý reısi keıinge qaldyryldy. Sizderdi áýejaıdyń aqparattyq taqtasynda reıs kúıin tekserýdi, sondaı-aq avıakompanııanyń habarlamalaryn qadaǵalaýdy suraımyz. Aqtaý áýejaıynda ushý qaýipsizdigin qamtamasyz etý basymdyq bolyp tabylady. Túsinistikpen qaraýyńyzdy ótinemiz»,-dep jazdy áýejaı ókilderi Instagram paraqshasynda.
Aıta keteıik, osyǵan deıin Aqtaý áýejaıynda reıster keshigip, turǵyndar shaǵymdanyp jatqany týraly habar taratqan edik.
