Aqtaý-Atyraý tasjolynyń birneshe bóligi jabyldy

AQTAÝ. KAZINFORM- Sý tasqynyna baılanysty Aqtaý-Atyraý joldarynyń keıbir bólikterinde kólik qatynasy toqtaǵany málim boldy.

Qulsarydan Atyraýǵa qaraı 15 shaqyrym aýmaqty tolyqtaı sý basýyna baılanysty búgin Dossor-Qulsary-Beıneý-Saıótes-Shetpe-Jetibaı-Aqtaý tasjolynda barlyq kólik túrleri úshin qozǵalys toqtady.

"Sý kóterilýine baılanysty jol keptelisinde uzaq turyp qalý múmkindigi joǵary. Tipti jol-kólik oqıǵasyna da tap bolý yqtımaldyǵy bar. Sý tasqynynyń kúrt ósýine baılanysty, qandaı jol kólik túri bolsa da, qaýip qater týǵyzady. Onymen qosa, barsha azamattardy ózgeristerdi baqylaýǵa shaqyramyz!", - dedi Mańǵystaý oblysy jolaýshylar kóligi jáne avtomobıl joldary basqarmasynyń basshysy Adaıbek Ótemisuly.