Aqtaý ákiminiń orynbasary bir-aq kún jumys istep, ketip qaldy
AQTAÝ. KAZINFORM — Áset Shopanov naýryzdyń úshi kúni Aqtaý qalasy ákiminiń orynbasary qyzmetine taǵaıyndalǵan bolatyn. Alaıda sheneýnik kelesi kúni-aq jumystan shyǵyp ketken.
Aqtaý qalasy ákimdigi baspasóz qyzmetiniń habarlaýynsha, Áset Shopanov 4 naýryz kúni qyzmetinen óz erkimen ketken.
Áset Shopanov Sh. Esenov atyndaǵy Aqtaý memlekettik ýnıversıtetin bitirgen.
Eńbek jolyn 2002 jyly Beıneý aýdany ákimi apparatynyń bas mamany bolyp bastaǵan, 2003-2018 jyldary Beıneý aýdany ákimdiginde túrli laýazymdarda qyzmet atqarǵan.
2018 — 2020 jyldary Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynda ártúrli laýazymdardy atqardy.
2020 — 2022 jyldary Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary qyzmetin atqardy.
2022 — 2024 jyldary Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy boldy.
Eske salsaq, naýryzdyń basynda Áset Shopanov Aqtaý qalasy ákiminiń orynbasary bolyp taǵaıyndalǵany belgili boldy.
Buǵan deıin, Mańǵystaýda «Aqtaý-túrki áleminiń mádenı astanasy»sharasy aıasynda ótetin is-sharalar jarııalandy.