Aqtaý ákiminiń burynǵy orynbasaryna izdeý jarııalandy
ASTANA. KAZINFORM – Quqyqtyq statıstıka jáne arnaıy esepke alý organdarynyń portalynda Aqtaý qalasy ákiminiń burynǵy orynbasary Tımýr Sádýaqasovqa izdeý jarııalanǵany habarlandy.
— Soltústik Qazaqstan oblysy boıynsha ekonomıkalyq tergeý departamenti Tımýr Sádýaqasovqa paıdaly qazbalardy zańsyz óndirý boıynsha qylmystyq is aıasynda para berýge ıtermeleý jáne alaıaqtyq jasaǵany úshin izdeý jarııalady, - delingen quqyqtyq statıstıka jáne arnaıy esepke alý organdary portalynyń resmı aqparatynda.
Іzdestirý kartochkasyna sáıkes, Sádýaqasov tegi boıynsha is 2025 jylǵy 5 aqpanda Soltústik Qazaqstan oblysynda tirkelgen. Іzdestirýdi bastaǵan organ – sot, al izdestirý júrgizetin organ – QR Qarjy monıtorıngi agenttiginiń Soltústik Qazaqstan oblysy boıynsha ekonomıkalyq tergeý departamenti ekeni de jazylǵan.
Aıta keteıik, Tımýr Sádýaqasov 2019 jylǵy 18 aqpanda Aqtaý qalasy ákiminiń orynbasary bolyp taǵaıyndalǵan edi.