Aqtaý ákimdigi stadıon alańyn haıýanattar baǵyna jalǵa berip jibergen
AQTAÝ. KAZINFORM — Aqtaýlyq sportshylar kúndelikti júgirip júrgen jerinen aıyrylyp qaldy. Olardyń aıtýynsha, ákimdik bul aýmaqta stadıon salýǵa ýáde bergen, alaıda nátıjesinde jerdi haıýanattar baǵyna jalǵa bergen.
— Bizge júgirýge arnalǵan jalǵyz stadıon edi. Ony da tartyp aldy. Bul jer bos, qaraýsyz qalǵan aýmaq emes. Munda jazda Qazaqstan Respýblıkasynyń Kýbogy ótti. Áskerı normatıvter de osynda tapsyrylady. Klýbtyń balalary jattyǵady, jattyǵýlar turaqty túrde ótedi. Bul óte yńǵaıly oryn, — dep turǵyndar narazylyqtaryn bildirdi.
Aqtaý qalasy ákimdigi baspasóz qyzmetiniń habarlaýynsha, jyl saıyn keletin tsırk «Melovoı» aýmaǵynda uıymdastyrylatyn. Alaıda, qazirgi tańda ol jerde jóndeý jumystary júrgizilip jatyr.
— Іs-sharany uıymdastyrý úshin úlken aýmaq qajet bolǵandyqtan, qala ákimdigi dene shynyqtyrý jáne sport basqarmasymen, Mańǵystaý oblysynyń olımpıadalyq rezervin daıarlaý ortalyǵy KMM-men birlesip, 30 qarasha men 30 jeltoqsan aralyǵynda atalǵan aýmaqta haıýanattar baǵyna jumys isteýge ýaqytsha ruqsat berdi, — delingen habarlamada.
Buǵan deıin, Ózbekstandaǵy tsırkterde kelesi jyldan bastap jabaıy janýarlardy paıdalanýǵa tyıym salynatyny týraly jazǵan bolatynbyz.