Aqtaý ákimi qaladaǵy turǵyn úı mańdaıshasynyń qulaýyna baılanysty jaǵdaıdy túsindirdi

AQTAÝ. QazAqparat - Turǵyn úı mańdaıshasy josparly jóndeý jumystaryn júrgizý kezinde qulaǵan. Bul týraly Aqtaý qalasy ákiminiń baspasóz qyzmetinen málim etti, dep habarlaıdy QazAqparat tilshisi.

«Turǵyn úı ınspektsııasynyń málimetinshe, 9-shaǵynaýdandaǵy 4-úı kireberisiniń mańdaıshasyna josparly jóndeý jumystaryn júrgizý kezinde mańdaıshasy qulady. Saldarynan «Tatıana» mekemesiniń servıstik kompanııasy «Nesibe Mol» jeke kásipkerliginiń bir qyzmetkeri qaza taýyp, eki adam aýrýhanaǵa jetkizildi. Qaza tapqan qyzmetkerdiń jaqyndaryna qaıǵyryp kóńil aıtamyz», - delingen málimette.

Qazirgi tańda oqıǵa ornynda polıtsııa jáne Tótenshe jaǵdaılar qyzmetkerleri tergeý jumystaryn júrgizip jatyr.

Aıta ketsek, Aqtaýda turǵyn úıdiń kireberisindegi mańdaısha qulap, bir adam qaıtys bolǵanyn jazǵan edik.