Aqtaý ákimdiginiń uıaly qosymshasy iske qosyldy
AQTAÝ. QazAqparat - Qala turǵyndary úshin «AKTAU.GOV» uıaly qosymshasy iske qosyldy, dep habarlaıdy QazAqparat qala ákiminiń baspasóz qyzmetine silteme jasap.
Qosymshada kórsetiletin memlekettik qyzmetter tizimi bar, sondaı-aq qaladaǵy jańalyqtar men oqıǵalar týraly málimet alýǵa bolady.
Qala turǵyndary qosymsha arqyly óz suraqtaryn, shaǵymdary men ótinishterin jibere alady. Sonymen qatar, qajetti sýretter, aýdıo- jáne vıdeofaıldar tirkeýge múmkindik bar.
Uıaly qosymshada qala turǵyndarynyń ótinishteri esepke alynǵan, sondaı-aq ótinishterdi baqylaýǵa jáne onyń oryndalý mártebesin qaraýǵa bolady. Qoldanýshylar shaǵymdar men ótinishter jiberý úshin tirkelýleri qajet.
«AKTAU.GOV» uıaly qosymshasyn Android jáne iOS veb-platformalarynan júkteýge bolady.
Joba «Tsıfrlyq Qazaqstan» baǵdarlamasy aıasynda júzege asyrylyp jatyr.
