Aqtaý ákimdigi qala turǵyndaryn balkonǵa tý ilýge shaqyrdy

AQTAÝ. QazAqparat – Aqtaý qalasynyń ákimdigi 4 maýsym – Memlekettik rámizder kúni qarsańynda «Aqtaýǵa 60 jyl – otbasyna syılyqqa 60 memlekettik tý» is-sharasyn uıymdastyryp jatyr. Bul týraly Aqtaý qalasy ákiminiń baspasóz qyzmetinen málim etti, dep habarlaıdy QazAqparat tilshisi.

«4 maýsym - Qazaqstan Respýblıkasynyń Memlekettik rámizderi kúnine oraı úı-jaıdyń kóshe betindegi balkonyna memlekettik týymyzdy ilý dástúrine qatysýǵa tilek bildirýshiler Instagram jelisindegi @aktau_akimdigi paraqshasyna 1 maýsymǵa deıin ótinish berińizder», - delingen habarlamada.