Aqtaý 2030 jylǵa arnalǵan EYU-nyń týrıstik astanasy ataǵyna jalǵyz úmitker retinde usynyldy
ASTANA. KAZINFORM — Qazaqstannyń Aqtaý qalasy 2030 jyly Ekonomıkalyq yntymaqtastyq uıymy (EYU) aıasyndaǵy týrıstik astana ataǵyna jalǵyz kandıdat retinde usynyldy.
27-29 sáýir kúnderi Ázerbaıjannyń Shýsha qalasynda Ekonomıkalyq yntymaqtastyq uıymy Týrızm mınıstrleriniń otyrysy ótip jatyr. Osy jıynda týrızm jónindegi joǵary deńgeıdegi sarapshylar tobynyń 9-shy otyrysynda aıtyldy.
Jıynda mamandar Aqtaýdyń jalǵyz úmitker ekenin atap, Qazaqstannyń osy baǵyttaǵy jumysyna sáttilik tiledi.
Aqtaý – Kaspıı teńiziniń jaǵalaýynda ornalasqan biregeı qala. Sondyqtan munda jaǵajaı, ekologııalyq jáne iskerlik týrızmdi damytýǵa zor múmkindik bar.
Buǵan deıin Aqtaý qalasynyń aýmaǵy Kaspıı esebinen keńeıtilgenin jazdyq.
