AKT jobalar boıynsha II jyl saıynǵy respýblıkalyq olımpıada bastaldy
ASTANA. 16 qyrkúıek. QazAqparat - 2013 jylǵy 15 qyrkúıekte aqparattyq tehnologııalar, eseptegish tehnıka jáne baǵdarlamalyq qamtamasyz etý salasyndaǵy ǵylymı jáne ınnovatsııalyq jobalar boıynsha JOO stýdentterine arnalǵan respýblıkalyq olımpıadaǵa qatysý tapsyrystaryn jınaý bastalady.
Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.
Іs-sharanyń uıymdastyrýshylary - Kólik jáne kommýnıkatsııa mınıstrligi jáne «Halyqaralyq aqparattyq tehnologııalar ýnıversıteti».
Olımpıadaǵa 5 túıindi baǵyt kiredi:
- «Ekonomıka salasyndaǵy, áleýmettik saladaǵy, ǵylym men bilim salalaryndaǵy AKT ınnovatsııalar;
- «Mádenıet, densaýlyq saqtaý, bıznes salasyndaǵy AKT ınnovatsııalar»;
- «Bos ýaqyt pen demalysqa arnalǵan AKT ınnovatsııalar»;
- «Apparattyq-baǵdarlamalyq ınnovatsııalar, onyń ishinde robototehnıkalyq qurylǵylar men baǵdarlamalaý»;
- «Jasyl energetıka».
Jobalarda zertteý taqyrybynyń ózektiligi, jobanyń máni, tıimdiligi, jańashyldyǵy, ǵylymı-tehnıkalyq deńgeıi, aıaqtalý dárejesi jáne tájirıbelik qundylyǵy baǵalanady. Olımpıada qazaq jáne orys tilderinde ótkiziledi.
Jeńimpazdar sertıfıkattar, baǵaly syılyqtar, HATÝ magıstratýrasynda oqý granttaryn alady. Budan basqa, jobanyń ǵylymı qundylyǵy, ózektiligi, sheshimniń biregeıligi jáne kommertsııalyq qundylyǵy úshin qosymsha júldeli atalymdar bolady.
Tapsyrysty 2013 jylǵy 12 qazanǵa deıin www.olymp.iitu.kz saıtynda berýge bolady. Qashyqtyqtan irikteý aınalymynyń qorytyndylary 18 qazan kúni www.olymp.iitu.kz saıtyna silteme jasalyp, www.iitu.kz saıtynda jarııalanady.
Óz jobalaryn ekinshi aınalymǵa ótken qatysýshylar jarystyń qorytyndy kúndizgi aınalymynda 29 qazan kúni Almaty qalasyndaǵy Halyqaralyq ІT ýnıversıtette kórsete alady.
