Aqsýlyq jigit ólimine qatysty is Pavlodar OІІD-niń erekshe baqylaýyna alyndy
ASTANA. QazAqparat - Aqsý qalasynyń turǵyny Dáýren Múbárakovtyń ólimine qatysty is Pavlodar oblysy ІІD basshylarynyń erekshe baqylaýyna alyndy, dep habarlaıdy pavlodarnews.kz.
Osydan úsh kún buryn Instagram jelisindegi @poleznyi_ekibastuzets paraqshasynda Ásel Múbárakova atty paıdalanýshy áleýmettik jeliniń qoldanýshylarynan aǵasyn mert qylǵan qandy qoldy tabýǵa kómek suraǵan. Sonymen qatar, Aqsý qalasy ákiminiń resmı saıtynda kóz jumǵan azamattyń jubaıy qala basshysynan kómek suraǵan. Resmı saıtta berilgen jaýapta quqyq qorǵaý organdarynyń kómegine júginýge keńes bergen. Osyǵan baılanysty agenttik ІІD-ne resmı saýal hat joldaǵan bolatyn. Búgin kelip túsken jaýapta bolǵan oqıǵaǵa qatysty QR QK 99 baby - «adam óltirý» boıynsha sot aldy tergeý jumystary bastalǵany jazylǵan.
- Atalǵyn iske qatysty bir er azamat ustaldy. Sot tarapynan sanktsııa berilip, qazirgi ýaqytta ol qamaýda otyr. Іske qatysty basqa kúdiktilerdi izdestirý sharalary jalǵasyp jatyr. Qylmystyq isti tergeý barysy ІІD basshylarynyń basty nazarynda, - dedi baspasóz qyzmeti.
