Aqsýlyq mektep bir aıdyń ishinde 2 myńnan astam asyq jınady
ASTANA. QazAqparat - Aqsý qalasyna qarasty M.Omarov aýyldyq okrýginiń Jambyl orta mektebinde bir aıdyń ishinde oqýshylar men ustazdar 2 050 asyq jınaǵan, dep habarlaıdy pavlodarnews.kz.
Agenttikke Jambyl mektebiniń dırektory Bıjamal Aqtaeva málim etken.
«2050 asyq jınaıyq» aktsııasy ótkizildi, - deıdi Bıjamal Aqtaeva. - Asyqty jınaýǵa mektep oqýshylary men ustazdary atsalysty. Jınalǵan asyqtar ártúrli tústerge boıaldy».
Jalpy, bilim ordasy 2012 jyldan bastap Aqsý óńirinde asyq oınaıtyn tuńǵysh mektep bolyp qolǵa alyndy. Jyl saıyn mektepshilik saıystar ótkizilip turady.
Bıjamal Aqtaevanyń aıtýynsha, bilim berý mekemesinde qazirgi ýaqytta arnaıy asyq oınaıtyn kabınet jabdyqtalýda. Mekteptiń bilikti ustazy Hamanaı Jıenhan asyq úıirmesiniń jańǵyrýyna úlesin qosyp, bilgenin balalarǵa úıretip júr.
Aıta ketelik, Jambyl orta mektebinde 1-11 synyptar aralyǵynda 222 oqýshy bilim alady. Qazirgi kezde «Qus ushyrý», «At jarysy», «Qumar», «Hantalapaı» sııaqty asyq oıyndarynyń 86 túri belgili. Al, atalmysh mekteptiń oqýshylary oıynnyń 15 túrin meńgergen.
