Aqsýlyq qutqarýshy qaıtys bolǵannan keıin ІІІ dárejeli «Aıbyn» ordenimen marapattaldy
NUR-SULTAN. QazAqparat - Qutqarýshy Arystanbek Mashrap qaıtys bolǵannan keıin ІІІ dárejeli «Aıbyn» ordenimen marapattaldy, dep habarlaıdy QazAqparat.
Memleket basshysy Qasym-Jomart Toqaevtyń Jarlyǵymen Pavlodar oblysy TJD Órt sóndirý jáne avarııalyq-qutqarý jumystary qyzmetiniń № 12 órt sóndirý beketi bólimshesiniń komandıri Arystanbek Mashrap qaıtys bolǵannan keıin ІІІ dárejeli «Aıbyn» ordeni memlekettik nagradasymen marapattaldy.
Ordendi Tótenshe jaǵdaılar mınıstri ıÝrıı Ilın órt sóndirýshiniń ákesi Qabzoldın Dýlat Mashrapulyna tapsyrdy.
Eske sala keteıik, qaıǵyly jaǵdaı 2021 jyldyń 25 aqpanynda Pavlodar oblysynyń Aqsý qalasynda bolǵan. Arystanbek Mashrap turǵyn úıde shyqqan órtti sóndirý kezinde jan tapsyrǵan.
Azamattyq qorǵaý serjanty Arystanbek Mashrap 2018 jyldan bastap azamattyq qorǵaý organdarynda qyzmet etti.
Tótenshe jaǵdaılar mınıstri ıÝrıı Ilın Arystanbektiń mezgilsiz qaıtys bolýyna baılanysty ákesine kóńil aıtty.
Adamdardy qutqarý úshin óz ómirin qıǵan TJ qyzmetkerleriniń erligi sanamyzdan eshqashan óshpeıdi. 1991-2021 jyldar aralyǵynda qyzmettik boryshyn atqarý kezinde azamattyq qorǵaý organdarynyń 53 qyzmetkeri qaza boldy.
