Aqsýlyq ınspektor otqa oranǵan úı ishinen eki adamdy alyp shyqty
ASTANA. Qazaqparat - Aqsý qalasy ishki ister bóliminiń jergilikti polıtsııa qyzmetiniń ýchaskelik ınspektory, polıtsııa kapıtany Buhara Tıshhanbaı órt kezinde eki aýyl turǵynyn ajaldan aman alyp qaldy.
Bul týraly oblystyq ІІD-niń baspasóz qyzmeti málim etti, dep habarlaıdypavlodarnews.kz.
«Tún ishinde ýchaskelik polıtsııa ınspektorynyń uıaly telefonyna Paramonovka aýylynyń turǵyny qońyraý shalyp, aýyl ishindegi Tselınnaıa kóshesi, 9/1 mekenjaıyndaǵy úıdiń órtenip jatqany týraly habarlady. Polıtsııa kapıtany Buhara Tıshhanbaı órt bolyp jatqan jerge keldi. Birinshi kezekte óz kúshimen esikti buzyp ashyp, jalyndap jatqan úıdiń ishine kiredi. Eden ústinde úıden ózdiginen shyǵa almaıtyn ekinshi toptaǵy múgedek er adamdy kórip, ony kóterip dalaǵa alyp shyǵyp jedel járdem shaqyrtty. Aýyl turǵyńdarynan úıdiń ishinde taǵy bir adamnyń bar ekenin estigen erjúrek tártip saqshysy ústine dymqyl matany jamyla sala ol ekinshi ret órtke oranǵan úıdiń ishine kirdi. Artynsha ol uıyqtap jatqan er adamdy taýyp alyp, taza aýaǵa alyp shyqty», - dedi baspasóz qyzmetinde. Órtten adamdardy qutqarý kezinde kórsetken kásibıligi jáne qyraǵylyǵy úshin polıtsııa kapıtany Buhara Tıshhanbaı yntalandyrýǵa usynyldy. Buhara ishki ister organdarynda 2005 jyldan bastap qyzmet etip keledi. Eki balanyń ákesi, onyń bes jasar uly men úsh jasar qyzy bar.
