Aqsýlyq monopolıst qatty qaldyqtar boıynsha tarıfti 21%-ǵa azaıtýǵa májbúr boldy
PAVLODAR. KAZINFORM - Básekelestikti qorǵaý jáne damytý agenttiginiń Pavlodar oblysy boıynsha departamentiniń aralasýymen Aqsý qalasynda qatty qaldyqtar úshin tarıf tómendetildi.
Jaýapty departamentke «Gorkomhoz-Aqsý» JShS qatty turmystyq qaldyqtardy (qaýipti emes, aralas) jınaý jáne áketý qyzmetterine baǵany negizsiz kóterý máselesi boıynsha ótinish kelip túsken.
- Departament júrgizgen tergep-tekserý nátıjeleri boıynsha kásiporyn Aqsý ferroqorytpa zaýyty úshin qatty turmystyq qaldyqtardy jınaý jáne áketý jónindegi qyzmetterge monopolııalyq joǵary baǵalardy belgilegeni jáne qoldanyp kelgeni anyqtaldy. Onyń qorytyndysy boıynsha «Gorkomhoz-Aqsý» JShS QR Ákimshilik quqyq buzýshylyq týraly Kodeksiniń 159-babynyń 3-bóligine sáıkes ákimshilik jaýapkershilikke tartyldy. Qoldanystaǵy tarıf 21%-ǵa azaıtyldy, - dep habarlady Básekelestikti qorǵaý jáne damytý agenttiginiń Pavlodar oblysy boıynsha departamentinen.
Kásiporynnyń monopolııalyq qyzmetti júzege asyrý nátıjesinde alynǵan 1 600 112 teńge somasyndaǵy zańsyz kirisi tárkilenip, 224 517 teńge mólsherinde aıyppul taǵaıyndalǵan. Aıyppul erikti túrde tólendi.
Budan bólek, departament básekelestikti qorǵaý salasyndaǵy anyqtalǵan zańbuzýshylyqtardy joıý týraly uıǵarym shyǵarǵan. Ol belgilengen merzimde oryndalǵan.
Eske sala keteıik, energetıka mınıstrligi tarıfterdi basqarý boıynsha tsıfrlyq servısti iske qosty.