Aqsýdyń jylý júıesinde apat bolyp, úılerde jylý tómendep ketti

PAVLODAR. KAZINFORM - Saldarynan qazir shahardaǵy barlyq turǵyn úı men áleýmettik mekemede, óndiristik uıymdarda jylý batareıalary salqyndap, jurtshylyq tońa bastady. Qala ákimdigi jylýmen jabdyqtaý 2-3 saǵatta tolyqtaı qalpyna keltiriledi dep sendirip otyr.

Aqsý qalasynyń halqy búgin tańerteńnen jylý batareıalarynyń salqyndap ketkenin sezdi. -18 gradýs aıazda páterlerdi salqyndyq jaılady.

-25 jeltoqsan kúni saǵat 07:00-de «Kazhrom» TUK» AQ AFZ ROK-2 qazandyǵyndaǵy №5 jáne №6 jelilik sorǵylardyń bekitý armatýrasynyń isten shyǵýyna baılanysty atalǵan jelilik sorǵylar jóndeý-qalpyna keltirý jumystaryn júrgizý úshin toqtatyldy. Sondyqtan Aqsý qalasynyń jylýmen jabdyqtaý jelilerinde jylý berý parametrleri tómendedi. Saǵat 09.30-daǵy jaǵdaı boıynsha isten shyqqan ysyrmalar boıynsha jóndeý jumystary aıaqtaldy, jylý jelisiniń parametrleri qalpyna keltirilip jatyr. Jylýmen jabdyqtaý parametrlerin qalpyna keltirýdiń boljamdy ýaqyty - 2-3 saǵat, - dep habarlady Aqsý qalasynyń ákimdiginen.

Oqıǵa ornynda Pavlodar oblysynyń ákimi Asaıyn Baıhanov bolyp qaıtqan.

Aqsý qalasynda búginde 50 myńdaı adam turady.

Eske sala keteıik, Aqsýda meıramhana órtenip, turǵyn úı jaryla jazdaǵan edi.