Aqsýdaǵy altyn óndiretin zaýytta transformator jandy
AQSÝ. QazAqparat - 18 mamyrda Aqmola oblysyndaǵy Aqsý kentinde «Qazaqaltyn» AQ TMK aýmaǵynda transformator otqa orandy, dep habarlaıdy QazAqparat TJK baspasóz qyzmetine silteme jasap.
Órtti «RTsSh PVASS» JShS Aqmola fılıalynyń memlekettik emes órtke qarsy qyzmetiniń kúshi sóndirdi.
«Beınejazbada, órt bolǵan jerde «Qazaqaltyn» memlekettik emes órt sóndirý qyzmeti júrgeni jazylǵan. Stepnogor qalasynyń órt sóndirý qyzmetine órt faktisi týraly habarlama kelip túsken joq» dep málim etti Tótenshe jaǵdaılar komıteti.
ıAǵnı órtti kásiporynnyń óz qaramaǵyndaǵy uıym sóndirgen.
Esterińizge sala keteıik, «Azamattyq qorǵaý týraly» zańnyń 67-babyna sáıkes, el aýmaǵynda memlekettik emes órtke qarsy qyzmet jumys isteıdi, olar zańdy uıymdar janynan qurylady jáne uıymdar men obektilerdiń órt qaýipsizdigine jaýap beredi.
